Blogg-Blog

Premjazzjoni Konkors Nazzjonali tal-Poeżija għat-Tfal 2009

Nhar il-Ġimgħa, 5 ta' Frar 2010, l-Għ.P.M. organizzat il-Premjazzjoni tal-Konkors Nazzjonali ta' Poeżija għat-Tfal 2009 fis-Sala Ġużeppi Despott, Diviżjoni tal-Edukazzjoni, il-Furjana. Il-preżentatur kien Dr Joseph Axiaq, li flimkien ma' Dr Manuel Attard Cassar ħadu ħsieb l-organizzazzjoni tal-Konkors.

F'kelmtejn għall-okkażjoni, il-President tal-Għaqda, Alfred Massa, qal li għal dawn l-aħħar 9 snin l-Għ.P.M. ħasbet fl-importanza tat-tfal li huma l-irġiel u n-nisa ta' għada. Dan għax fehmet li jekk inderru lit-tfal jinnamraw mal-poeżija nkunu qegħdin ninvestu fl-imħabba lejn din l-arti sabiħa fil-ġejjieni. Massa ħeġġeġ lill-kbar biex ikunu ta' eżempju għaż-żgħar billi huma stess juru interess fil-qari tal-poeżija. Il-President appella lil dawk preżenti biex jirreferu spiss għas-sit elettroniku tal-Għaqda fejn isibu tagħrif dwar l-attivitajiet tagħha. Fl-aħħar nett Massa irringrazzja lil kulmin ta sehmu biex il-Konkors seta' jkun suċċess kif kieku ta' qablu. Ringrazzjamenti speċjali saru lid-Djar tal-Pubblikazzjoni Merlin Library Ltd u Agius&Agius it-tnejn ta' Blata l-Bajda li sponsorjaw ir-rigali tal-Konkors.

F'kummenti li għamlet il-Ġurija, magħmula mis-Sinjuri Mary Grace Caruana, Clair Zerafa u l-Kav. Carmel Bianchi, uriet is-sodisfazzjoni tagħha għan-numru sabiħ ta' poeżiji li daħlu, li qabżu l-100, kif ukoll għal-livell ġenerali li deher fil-poeżiji. F'uħud dehret l-għajnuna kemm tal-ġenituri kif ukoll tal-għalliema. Dis-sena l-Konkors kien miftuħ għall-istudenti tal-aħħar sena tal-primarja u tal-ewwel sena tas-sekondarja.

Riżultat: 1. Refuġjat ta' Daniel Borg (Victoria, Għawdex); 2. Lil Ommi ta' Franklyn Beldacchino (M'Xlokk); 3. St. Paul's Poem ta' Laury Sam Cauchi (San Pawl il-Baħar); 4. L-Isbaħ Milied ta' Janelle Borg (Għajnsielem, Għawdex); 5. In-Nanniet Tiegħi ta' Miguel Gruppetta (Żejtun); 6. Comfort ta' Erika Harvey (Qawra); 7. Il-Fjuri ta' Maria Cassar (Xewkija, Għawdex); 8. Il-Kelb u lo-Qattus ta' Christian Vella (M'Xlokk); 9. TV Time ta' Odin Mamo (Pieta') u 10. A Puppet Called ta' Kristy Borg (Buġibba).

Ritratti - Photos: (1) (2)

Nifirħu lill-Membri tagħna

Charles Bezzina (Għawdex), Joseph C. Sciberras (B'Kara) u Trevor Żahra (Wied il-Għajn) għar-rebħ fil-Premju Nazzjonali tal-Ktieb 2009.

LEJLA TA' POEŻIJA F' Ħ'ATTARD

Aktar minn 20 poeta membri tal-Għaqda Poeti Maltin nhar il-Ġimgħa, 8 ta' Jannar 2010, ħadu sehem f' Lejla ta' Poeżija li saret fis-sala taċ-Ċentru Parrokkjali ġewwa Ħ'Attard. Din saret bil-kooperazzjoni tal-Għ.P.M., tal-Kunsill Lokali Ħ'Attard u tat-taqsima Kultura fi ħdan il-Kunsill Pastorali Parrokkjali tal-post.

Inqraw poeżiji bil-Malti u bl-Ingliż dwar suġġetti varji. Patrick Sammut, Viċi President tal-Għ.P.M., tkellem dwar Is-Sunett u kif dan daħal fil-letteratura tagħna. Ħa sehem ukoll il-vjolinista żagħżugħ Augusto Quintano filwaqt li Dr Joseph Axiaq, Ass. Segretarju, ippreżenta s-Serata.

Alfred Massa wera s-sodisfazzjon tiegħu għall-udjenza numeruża li attendiet. Huwa nsista dwar l-importanza tal-poeżija fi żminijietna u rrefera għall-appell li sar fl-aħħar Laqgħa tal-World Congress of Poets biex il-poeti kollha jaħdmu favur il-paċi, il-valuri u l-għaqda fost il-bendmin. Għal darb'oħra Massa ħeġġeġ lil dawk preżenti biex jirreferu għall-website tal-Għaqda Poeti Maltin ħalli jsiru jafu bl-attivitajiet li minn żmien għal żmien torganizza f'riżq il-poeżija f'pajjiżna.

Fi tmiem is-Serata saret bibita għal dawk li attendew.

Ritratti - Photos: (1) (4)

An Evening of Poetry in Attard

More than 20 poets, members of the Malta Poets Association, attended an Evening of Poetry. The well-attended event was held at the Parochial Centre in Attard on Friday 8th January 2010. This was held with the cooperation of the Gh.P.M., the Attard Local Council and the Attard Cultural section of the Pastoral Parish council.

Poems were read in both Maltese and English about various subjects. Patrick Sammut Vice President of the Malta Poets Association gave a speech about the Sonnet, how this was introduced in our literature. Dr. Joseph Axiaq Assistant Secretary was compere for the evening. The young violinist Augusto Quintano enchanted the audience with classical solos.

Alfred Massa expressed his satisfaction that the musico-literary evening drew a large audience. Massa insisted on the importance of Poetry in our times and referred to the appeal made at the World Congress of poets for poets to work towards peace, the values and the brotherhood of man. Once again Massa encouraged all those present to use the website of the Malta Poets Association for information about activities that from time to time the association organizes to nurture the interest of poetry on our island.

At the end of the evening a well-planned out reception, by the Local Council volunteers, was held for those who had attended.

Antoloġija bl-Esperanto Ġdida

L-Għaqda Poeti Maltin ippubblikat Antoloġija bl-Esperanto bix-xogħlijiet ta’ wħud mill-membri tagħha. B’kollox ħadu sehem fiha 42 membru. Il-poeżiji huma varjati kemm fit-temi ttrattati kif ukoll fl-istili mħaddma. Għandha Daħla Kritika mill-Professur Oliver Friggieri li titfa’ dawl fuq il-poeżija Maltija kontemporanja.

Din l-Antoloġija setgħet tara d-dawl bl-għajnuna tal-Għaqda Maltija tal-Esperanto. Ix-xogħol kollu kien tradott fl-Esperanto mill-Membru Onorarju tal-Għaqda tagħna, Dr Karmenu Mallia.

Il-poeti li ħadu sehem huma Abela Therese, Aquilina Sunny, Attard Mario, Dr Attard Cassar Emmanuel, Dr Axiaq Joseph, Bezzina Mario F., Bianchi Carmel, Borg Ġorġ, Busuttil Amanda, Camilleri Miriam, Caruana Mary Grace, Caruana Peter A., Cauchi Carmel G., Cini Godwin, Fabri Noel, Farrugia Anthony, Grech Lino, Grech Raymond, Grech Sergio, Lanfranco Guido, Mallia John, Dr Mangani Paul S., Massa Alfred, Micallef Jane, Muscat David, Pace Therese, Palma Alfred, Saliba Paul, Sammut Patrick, Spiteri Pio, Vella Therese, Dr Zammit Tabona Joe, Bezzina Charles, Oliver Friggieri, Mons. Dr Amante Buontempo, Magro Charles, Caruana Toni, Chetcuti Ġuże', Ellul Galea Karmenu, Cini Tarcisio, Patri Hugh Mallia O.Carm., u Ellul Godwin.

Ta’ min ifakkar li din kienet it-tieni Antoloġija ta’ din ix-xorta ippubblikata mill-Għaqda Poeti Maltin.

A NEW ANTHOLOGY IN ESPERANTO

The Maltese Poets Association (Għ.P.M.) has published an Anthology in Esperanto with the works of some of its members. In all, 42 members took part. The poems vary in the theme tackled as well as in the style adopted. The anthology has a Critical Preface by Profs. Oliver Friggieri that sheds a light on Maltese contemporary poetry.

This anthology could materialise through the help of the Maltese Esperanto Society. All works were translated into Esperanto by the honorary member of our society, Dr. Karmenu Mallia.

The poets taking part are Abela Therese, Aquilina Sunny, Attard Mario, Dr. Attard Cassar Emmanuel, Dr. Axiaq Joseph, Bezzina Mario F., Bianchi Carmel, Borg Ġorġ, Busuttil Amanda, Camilleri Miriam, Caruana Mary Grace, Caruana Peter A., Cauchi Carmel G., Cini Godwin, Fabri Noel, Farrugia Anthony, Grech Lino, Grech Raymond, Grech Sergio, Lanfranco Guido, Mallia John, Dr. Mangani Paul S., Massa Alfred, Micallef Jane, Muscat David, Pace Therese, Palma Alfred, Saliba Paul, Sammut Patrick, Spiteri Pio, Vella Therese, Dr. Zammit Tabona Joe, Bezzina Charles, Oliver Friggieri, Mons. Dr Amante Buontempo, Magro Charles, Caruana Toni, Chetcuti Ġuże', Ellul Galea Karmenu, Cini Tarcisio, Patri Hugh Mallia O.Carm., and Ellul Godwin.

It is worth reminding that this is the second Anthology of the same sort published by the Għaqda Poeti Maltin.

LEJLA OĦRA F'ĦAL TARXIEN

Nhar il-Ħadd 13 ta' Diċembru 2009, l-Għaqda Poeti Maltin u l-Għaqda Mużikali "Marija Annunzjata" ta' Ħal Tarxien organizzaw flimkien Lejla ta' Mużika u Poeżija dwar il-Milied fis-Sala ewlenija tal-Każin. Ħadu sehem l-allievi tas-Soċjeta', Kor tat-tfal li kanta Innijiet tal-Milied u numru ta' poeti membri tal-Għaqda li qraw poeżiji dwar il-festa għażiża tat-Twelid ta' Ġesu' Bambin.

F'kelmtejn qosra l-President tal-Għaqda, Alfred Massa qal li hu ta' sodisfazzjon għall-Għ.P.M. li tieħu sehem f'attivita' simili għat-tielet sena konsekuttiva għax il-Milied hu festa li jixirqilha tkun iċċelebrata lil hinn mill-konsumiżmu ta' żminijietna. U x'hemm isbaħ miż-żewġ fergħat artistiċi tal-mużika u tal-poeżija - li huma tewmin fl-arti - biex wieħed juri s-sollennita' u t-tifsira vera ta' dan il-jum qaddis? Fuq kollox, temm jgħid Massa, għal Ħal Tarxien il-Milied għandu tifsira speċjali għax dan li tnissel f'Marija ġewwa Nazaret libes il-libsa umana ġewwa Betlem.

Mexxa t-taqsima mużikali Mro. Victor Vella, surmast direttur tal-Banda "Marija Annunzjata" u t-taqsima poetika tmexxiet minn Charles Magro, Segretarju tal-Għ.P.M.

ANOTHER MUSICO LITERARY EVENING AT TARXIEN

On Sunday 13th December 2009, the GH.P.M. and the Marija Annunzjata Musical Society of Tarxien co-organized an evening of music and poetry about Christmas in the band club's main hall. The society's young students played christmas carols on their instruments, a choir sang Christmas carols and members of the poetry society read poems about Christmas and the birth of our Lord Jesus Christ in various languages.

In a brief message, the Poetry Society's President, Alfred Massa, said the association was happy to take part in a similar event for the third consecutive year as Christmas was a feast that should be celebrated apart from today's consumeristic ambience. And what better can there be than the two artistic branches of music and poetry-which are twins in art-to be combined to demonstrate the solemnity of the meaning that surrounds this blessed day? Above all, Massa ended, for Tarxien, Christmas has a special meaning (they having the Annunciation as their patron) as He who was concieved in Mary in Nazaret, now has taken on a human shape in Betlehem.

Mro. Victor Vella, conductor and director of the Marija Annunzjata Band Club, led the musical part while Charles Magro the Għ.P.M. secretary led the poetry section. At the end, those present were invited for drinks.

Unuri Għal Żewġ Membri Tal-Għaqda Poeti Maltin

L-Għaqda Poeti Maltin tifraħ lill-Membru Onorarju tagħha Alfred Palma li f'Jum ir-Repubblika ngħata l-ġieħ mistħoqq ta' Qadi lir-Repubblika ta' Malta. Min-naħa l-oħra, is-Segretarju tagħha Charles Magro fl-istess Ċerimonja ngħata l-unur mistħoqq ta' L-Ordni tal-Meritu. Barra milli dan hu unur għall-Għaqda tagħna, huwa wkoll rikonoxximent tal-ħidma sfiqa li dawn iż-żewġ membri qegħdin jagħtu b'riżq pajjiżna.

L-Għaqda Poeti Maltin fil-Furjana

Għal darb’oħra l-Għaqda Poeti Maltin tellgħet Lejla ta’ Poeżija fiċ-Ċentru Kultura Franġiskana, il-Furjana. Dan seħħ nhar il-Ġimgħa, 27 ta’ Novembru, fis-7.30 p.m. Mexxa s-serata s-Segretarju, Charles Magro, filwaqt li żewwaq il-Lejla bl-osservazzjonijiet tiegħu dwar l-istili u t-temi tal-poeżiji li nqraw. Charles Magro tkellem ukoll dwar il-proġett li għadha kemm nidiet l-Għaqda Poeti Maltin fejn 19-il poeżija bl-Ingliż ta’ 19-il-poeta membru ntagħżlu u ġew stampati f’format ta’ bookmarks. Dawn se jiġu mqassmin f’lukandi u fi ħwienet iffrekwentati mit-turisti ħalli jkunu jistgħu jgawdu ftit mill-benna tal-poeżija Maltija bl-Ingliż. Il-proġett “Bookmarks” ġie sponsorjat mill-BOV.

Il-membri tal-Għaqda Poeti Maltin qraw poeżiji bil-Malti, bl-Ingliż u bit-Taljan dwar temi differenti. Kien hemm ukoll waqtiet ta’ riflessjoni dwar suġġetti mqajma mill-poeżiji li nqraw waqt il-Lejla. Il-viċi-President, Patrick Sammut, qara studju tal-viċi-Segretarju, Dr. Joseph Axiaq, dwar “Il-kunċetti tal-Ħarifa u tax-Xitwa fil-Poeżija Maltija”. Fit-tmiem tal-Lejla l-membri tal-Għ.P.M., flimkien mal-membri taċ-Ċentru Kultura Franġiskana kienu mistiedna għal riċeviment żgħir.

Ritratti - Photos: (1)

The Għ.P.M. in Floriana

Once again, the Maltese Poets Association held a poetry evening at the Franciscan Cultural Centre in Floriana on Friday, 27th November 2009 at 7.30pm.

The secretary, Charles Magro, hosted the evening and coloured it by his observations of the style and themes of the poems that were read. He also talked about the project that the Għaqda Poeti Maltin has just launched, wherein 19 poems of 19 member poets were chosen and printed in bookmark form to be distributed in hotels and tourist frequented shops. In this way, they, too can sample and savour a little bit of Maltese poets' poetry in English. The "Bookmarks" project was sponsored by Bank of Valletta.

Members of the Maltese Poets Association read poems in Maltese, English and Italian, where the themes, as usual, varied. There was also time for reflections about the subjects raised in these poems. Vice-President Patrick Sammut, read a study written by the vice-Secretary, Dr. Joseph Axiaq about the "Concepts of Summer and Winter in Maltese Poetry."

At the end of the evening, the Association members together with the members of the Franciscan Cultural Centre were treated to a light reception.

PROĠETT POETIKU MILL-Għ.P.M.

19-il poeta kollha membri tal-Għaqda Poeti Maltin ippubblikaw poeżija bl-Ingliż kull wieħed (bookmark) bil-għan li dawn il-poeżiji jitqassmu f'lukandi primarjament għat-turisti li jżuru pajjiżna. Is-suġġetti u l-istili huma varji. B'hekk it-turisti interessati filwaqt li jistgħu jieħdu waħda minn dawn il-bookmarks b'xejn, ikollhom idea dwar il-poeżija Maltija kontemporanja.

Il-poeti li ħadu sehem f'dan il-proġett huma Dr Karmenu Mallia, Salv. Sammut, Margaret Attard Baldacchino, Lino Grech, Mario Attard, Dr Joe Zammit Tabona, Alfred Palma, Therese Pace, Charles Magro, Patrick Sammut, Miriam Camilleri, Jane Micallef, Alfred Massa, Dr Emmanuel Attard Cassar, Jonathan Balzan, Omar Seguna, Mary Doris Chircop, Godwin Cini u Raymond Grech.

Il-proġett kien sponsorjat mill-Bank of Valletta.

Għ.P.M. POETIC PROJECT

Nineteen poets, all members of the Maltese Poets' Association, each published a poem in English (bookmark) with the aim that these poems will be distributed in hotels primarily for tourists visiting our country. The themes and styles are various. In this way, interested tourists may take one of these bookmarks gratis whilst at the same time getting an insight into Maltese contemporary poetry.

The poets participating in this project are Dr. Karmenu Mallia, Salv Sammut, Margaret Attard Baldacchino, Lino Grech, Mario Attard, Dr. Joe Zammit Tabona, Alfred Palma, Therese Pace, Charles Magro, Patrick Sammut, Miriam Camilleri, Jane Micallef, Alfred Massa, Dr. Emmanuel Attard Cassar, Jonathan Balzan,Omar Seguna, Mary Doris Chircop, Godwin Cini and Raymond Grech.

The project was sponsored by Bank of Valletta.

Lejla ta’ Premjazzjoni tal-Konkors Nazzjonali tal-Poeżija 2009

Nhar il-Ġimgħa, 30 ta' Ottubru 2009 l-Għaqda Poeti Maltin ħabbret ir-riżultat tal-Konkors Nazzjonali ta' Poeżija 2009 waqt Serata ta' Premjazzjoni li saret fis-Sala Ġużeppi Despott, Diviżjoni tal-Edukazzjoni, il-Furjana, ippreseduta mill-President tal-Għaqda, Alfred Massa. Mexxa s-Serata Charles Magro, Segretarju.

Il-Ġurija kienet magħmula mill-poeti Joseph C. Sciberras u Ġorġ Borg flimkien mal-ġurnalist Mark Causon.

Riżultat

Ritratti - Photos: (1) (2) (3) (4) (5) (6)

It-TORĊA llum tagħlaq 50 sena.... Il-gazzetta twaqqfet b’missjoni – Victor Carachi, President tal-GWU

It-TORĊA Il-Ħadd 25 ta' Ottubru 2009 http://www.it-torca.com/news.asp?newsitemid=8615

minn john pisani

Waqt serata letterarja li saret nhar il-Ġimgħa fil-Workers’ Memorial Building fil-Belt, ġie mfakkar il-50 Anniversarju mill-ewwel ħarġa tal-gazzetta it-TORĊA. Il-President tal-GWU, Victor Carachi qal li t-TORĊA għandha storja li fil-milja tagħha titwaħħad ma’ dik tal-GWU u li bħall-GWU, it-TORĊA twaq-qfet b’missjoni. Waqt l-istess serata kienu ppremjati dawk li rebħu l-kon-kors letterarju li tnieda minn din il-gazzetta f’Awwissu li għadda.

Fid-diskors tiegħu Victor Carachi qal li l-gazzetta it-TORĊA hija l-prodott ta’ żmienha, ta’ kuntest fejn l-isfida tal-ħaddiem għall-kisba ta’ drittijietu kie-net bdiet tieħu l-milja tagħha immedjatament wara t-tmiem tat-Tieni Gwerra Dinjija. Kienet mixja twila dik mibdija mill-GWU, fil-5 ta’ Ottubru 1943 u li tkompliet minn The Torch fis-sena ta’ wara. Kienet propju l-ħtieġa ta’ din il-mixja li wasslet biex fil-25 ta’ Ottubru 1959 The Torch ħadet il-libsa l-ġdida ta’ it-TORĊA, qal Carachi.

Huwa qal li it-TORĊA kienet l-ew-wel Sunday paper f’kull sens tal-kelma li kienet Maltija. Ma kienx hawn biss li t-TORĊA saret parti mill-istorja ta’ pajjiżna. It-TORĊA kienet għal żmien twil l-unika vuċi konsistenti tal-movi-ment trejdunjonistiku f’Malta, imma kienet ukoll, u għadha, vuċi kulturali ta’ pajjiżna.

Il-President tal-GWU qal li: “bħala GWU nagħtu bosta importanza lill-qasam kulturali. Bħala union ġenerali tal-ħaddiema, huwa dmir tagħna li nħarsu lejn il-ħaddiem bħala persuna, b’mod ħolistiku.” Carachi qal li: ma nistgħux, jekk tassew irridu nirrappreżentaw tajjeb lill-ħaddiema membri tagħna, nifirdu lill-ħaddiem mill-ħajja tiegħu barra mid-dinja tax-xogħol. Il-ħaddiema huma ukoll aġenti kulturali. Dan l-impenn kulturali tal-ħaddiema mhux biss jgħollihom ‘il fuq fost is-soċjetà Maltija, imma ukoll jagħti valur akbar lill-klassi li ġejjin minnha. Huwa xiehda li l-klassi ħaddemija hija tassew ix-xewka ta’ dahar dan il-pajjiż.”

Fl-aħħarnett Victor Carachi feraħ lil dawk kollha li ħadu sehem u lil dawk li organizzaw dan il-konkors fosthom lill-eks-President tal-GWU, Salv Sammut.

Waqt l-istess serata tkellem ukoll Alfred Massa mill-Għaqda Poeti Maltin li sellem lil dawk li mexxew il-paġni letterarji ta’ din il-gazzetta fosthom il-mibki Karmenu Ellul Galea, lil Mario Bezzina, Charles Flores u Francis Galea li kollha ħadmu u stinkaw biex wasslu lill-qarrejja materjal utli, li ċertament tefa’ dawl leqqien fuq il-mixja letterarja f’pajjiżna matul l-aħħar 50 sena. Pawlu Mizzi, mill-Klabb Kotba Maltin, semma r-rabta bejn it-TORĊA u l-mixja storika ta’ pajjiżna u qabbel kif il-Klabb, il-GWU u t-TORĊA dejjem imxew ’il quddiem b’identità Maltija b’mod speċjali fl-użu tal-ilsien Malti.

Ir-rebbieħa tal-konkors letterarju fl-okkażjoni tal-50 Anniversarju tat-TOR-ĊA huma: Konkors ta’ Proża - L-ewwel post Emmanuel Psaila bin-novella ‘Ġorġ Kanġi’. Fit-tieni post Charles Casha bin-novella ‘Agħti Mulej, il-Mis-trieħ ta’ Dejjem’ u fit-tielet post Claudine Camilleri bin-novella ‘Lucy’.

Konkors ta’ Poeżija - L-ewwel post Stefano Farrugia bil-poeżija ‘Eliżir ta’ Mħabba Qalbiena’. Fit-tieni post ukoll Stefano Farrugia bil-poeżija ‘Solitarja Moribonda’ u fit-tielet post Charles Casha bil-poeżija ‘Li Kieku Nista’.

Waqt din is-serata saru intervalli mużikali mill-kantant folk Walter Mi-callef fuq il-kitarra tiegħu filwaqt li s-serata tmexxiet minn Charles Magro.

Fost dawk preżenti kien hemm ukoll uffiċjali tal-GWU fosthom il-Viċi President Edmond Cefai, l-Editur tat-TORĊA Aleks Farrugia, diriġenti tal-Union Print u l-Kap tal-Pubblikazzjonijiet tal-Union Print Frans Ghirxi.

Fil-ħarġa tal-ġimgħa d-dieħla t-TORĊA se tiddedika l-paġni tan-nofs għal ritratti minn din is-serata, filwaqt li x-xogħlijiet rebbieħa se jkunu ppubblikati fuq it-TORĊA fil-ħarġiet li jmiss. Ktejjeb b’edizzjoni limitata, li jiġbor fih diskorsi u x-xogħlijiet rebbieħa se jkun mibjugħ fil-ġimgħat li ġejjin.

pisani.journalist@gmail.com

L-Għ.P.M. għand il-President ta' Malta

Nhar it-Tnejn, 19 ta' Ottubru 2009, Membri tal-Kumitat tal-Għaqda Poeti Maltin żaru lill-E.T. Dr George Abela, President tar-Repubblika fil-Palazz Presidenzjali, il-Belt Valletta.

Wara li President tal-Għaqda, Alfred Massa, introduċa lill-membri kollha tal-Kumitat, ta rendikont lill-President Abela dwar l-istorja u l-attivitajiet li l-Għ.P.M. torganizza minn żmien għal żmien. Dr Abela wera interess kbir u wara li feraħ lill-Għaqda għall-ħidma tagħha b'riżq il-poeżija f'pajjiżna, għamel diversi mistoqsijiet kemm dwarha kif ukoll dwar il-qagħda tal-poeżija fil-gżejjer tagħna. Huwa ħeġġeġ lill-membri tal-Kumitat biex jissuktaw b'ħidmiethom għax qal din it-tip ta' edukazzjoni għandu bżonn il-poplu tagħna. Il-President stqarr li hu jħobb ħafna l-poeżija u jieħu gost meta jattendi għal xi ċerimonja li tkun tinkludi anki l-qari ta' poeżiji. Huwa wiegħed kull għajuna lill-Għ.P.M. u offra saħansitra l-bitħa tal-Palazz Presidenzjali kemm-il darba tkun tinħtieġha biex torganizza xi attivita' fiha.

Charles Magro mbagħad irregala bħala tifkira lill-President ta' Malta, Medalja tal-Għ.P.M. u sett Antoloġiji li l-Għaqda ppubblikat kemm ilha mwaqqfha. Is-Segretarju offra anki donazzjoni f'isem l-Għaqda għall-Community Chest Fund; ġest li l-President Abela apprezza ħafna meta ftakar li dik kienet ġejja minn persuni li voluntarjament qegħdin jaħdmu b'riża il-poeżija f'pajjiżna.

Ritratti - Photos: (1) (2) (3) (4) (5)

Għ.P.M. visits the President of Malta.

On Monday, 19th October 2009, committee members of the Maltese Poets Association visited The President of the Republic, His Excellency Dr. George Abela, at his Presidential Palace in Valletta.

After the Association President, Alfred Massa, introduced the committee members, he gave President Abela an account of the history and activities that the association organizes from time to time. Dr. Abela was very interested and after he congratulated the association for its work in the interest of poetry in our country, he made various questions about the same Association and about the state of poetry on our islands. He urged the committee members to keep up their work as, he added, it is this kind of education that our people need. The President declared that he loved poetry a great deal and loves it when he attends a ceremony that also includes the reading of poetry. He promised to help the GĦ.P.M. and even went as further as to offer the Presidential Palace courtyard every time the Association needs it to host an event.

Charles Magro, then presented the President of Malta with the GĦ.P.M. Medal and a set of anthologies that the Association has published since its inception. The Secretary also offered a donation in the name of the Association, for the Community Chest Fund which President Abela appreciated very much especially considering the fact that it is coming from a group of persons who voluntarily work to promote poetry in our country.

From: Paola Mara De Maestri
http://www.abriga.it/fvb/showthread.php?p=5073

http://www.tellusfolio.it/index.php?prec=%2Findex.php&cmd=v&id=9393

Poetessa Taljana f'Lejla ta' Poeżija

Il-poetessa Taljana Paola Mara De Maestri kienet il-mistiedna ewlenija f'Lejla ta' Poeżija li saret fir-Razzett tal-Markiż, il-Mosta nhar il-Ġimgħa 20 ta' Awwissu 2009. Is-Sinjura De Maestri kienet akkompanjata mir-raġel tagħha Gabriele. Ħa sehem ukoll il-kant-awtur bravu Walter Micallef u bħas-soltu ippreżenta l-Lejla s-Segretarju, Charles Magro li ħa ħsieb ukoll jagħti resume bit-Taljan meta qraw xogħlijiet bil-Malti.

F'atmosfera mill-isbaħ fil-bitħa ewlenija ta' dan ir-razzett antik diversi poeti qraw xogħlijiethom min bl-Ingliż, min bit-Taljan u min bil-Malti. Il-poetessa Taljana li kienet intervista minn Patrick Sammut qrat ukoll xi poeżiji tagħha. Imbagħad irregalat xi kotba lill-Għ.P.M. wara li rringrazzjat lil dawk preżenti għal-laqgħa sabiħa li saritilha. Hija tkellmet dwar ir-rabta li teżisti bejnha u bejn l-Għ.P.M. u wiegħdet li fil-futur qarib se jsiru aktar proġetti utli flimkien.

Alfred Massa, President tal-Għaqda ta merħba lis-Sinjura De Maestri u r-raġel tagħha. Huwa ddeskriva lil De Maestri bħala poetessa brava italiana kontemporanea u stqarr li hija wkoll ħabiba kbira tal-Għ.P.M.

Fi tmiem il-Lejla saret bibita lil dawk preżenti.

Ritratti - Photos: (1) (2) (3) (4) (5) (6) (7)

Italian Poet at a Poetry Evening

The Italian poet Paola Mara De Maestri was the special guest at a poetry evening held at the Razzett tal-Markiz in Mosta on Friday 21st August 2009. She was accompanied by her husband Gabriele. Walter Micallef animated the evening with his beautiful songs. The association secretary, Charles Magro, as usual presented the event and translated into Italian what was said and read in Maltese for the benefit of the Italian guests.

In the captivating atmosphere of this place several poets read their works in Maltese, English and Italian. The Italian poet who was interviewed by Patrick Sammut also read some of her poems. Then she thanked the association for the warm welcome she was given and presented the said association with some books. She talked about the bond between the two sides and of the hope that in the near future further useful projects will be carried out together. The GĦ.P.M. also made its own presentation to her.

Alfred Massa , president of the Maltese Poets Association in his speech welcomed Paola Mara De Maestri and her husband. He described her as a very good, contemporary Italian poet, and a good friend of the association.

The evening ended with a drink for those present for the evening.

L-Għ.P.M. tfakkar lil Ġorġ Pisani f'Għawdex

Il-Ġimgħa, 24 ta' Lulju 2009 l-Għ.P.M. fakkret il-100 sena mit-twelid u l-10 snin mill-mewt tal-poeta Għawdxi, Ġorġ Pisani b'Serata mill-isbaħ fuq il-Bastjun ta' San Ġwann fiċ-Ċittadella ġewwa l-Belt Victoria, Għawdex. Ippresediet is-Serata l-Onor. Giovanna Debono, Ministru għal Għawdex. Kienu preżenti wkoll is-Sur Anton Tabone ex-Speaker tal-Parlament u n-nutar Paul Ġ. Pisani, iben il-poeta. Il-preżentatur kien Charles Magro, Segretarju tal-Għaqda.

Inqraw diversi xogħlijiet tal-poeta minn membri tal-Għ.P.M. fosthom Robert Gatt, Ġanninu Cremona, Ninu Borg, Salv. Sammut, Lino Grech, Therese Pace, Melina Cornish, Patrick Sammut u l-Kav. Carmel Bianchi. Dawn kienu jikkonsistu f'poeżiji, silta mir-rumanz "Beraq u Qawsalli", leġġenda u silta mid-dramm "Is-Sigriet ta' Swor Kristina". Id-diskors kommemorattiv sar mir-rappreżentant tal-Għaqda f'Għawdex, Charles Bezzina.

Fil-parti mużikali ħadu sehem Joe Engerer u d-duo ta' Hilary Spiteri.

Saru żewġ diskorsi. Alfred Massa stqarr li għalkemm il-poeta jmut imma xogħlijietu jibqgħu. Huwa wera kemm Ġorġ Pisani ħabb 'l-Għ.P.M. sa minn twelidha. Mhux ta' b'xejn li fl-1983 l-Għaqda onoratu bil-Premio Citta' di Valletta u tliet snin wara ħatritu ma' ħames poeti stabbiliti oħra Membru Onorarju ad vitam. Illum kif inhu xieraq l-Għaqda qiegħda tfakkar żewġ anniversarji importanti marbutin ma' ħajtu, temm jgħid il-President.

Il-Ministru Giovanna Debono f'Kelmtejn ta' Għeluq raddet ħajt lill-Għ.P.M. u esprimiet is-sodisfazzjon tagħha talli b'mod eċċellenti organizzat Serata hekk sabiħa biex tfakkar poeta kbir Għawdxi. "Din is-Serata," qalet l-Onor. Debono, "għallmitni ħafna aktar milli kont ġa naf dwar Pisani". Hija rringrazzjat u ferħet lil kulmin ħa sehem waqt li qalet li attivitajiet bħal dawn huma importanti ħafna, speċjalment meta jsiru f'postijiet storiċi bħalma hi ċ-Ċittadella ġewwa Għawdex.

Ritratti - Photos: (1) (2) (3) (4) (5) (6) (7)

Membri tal-GhPM ghat-tnedija ta' MIRAGGI LASALLJANI.

Nhar il-Gimgha, 3 ta' Lulju, membri tal-Ghaqda Poeti Maltin kienu mistiedna ghal Lejla ta' Tnedija fil-Kullegg ta' De La Salle, fil-Kottonera. Il-ktieb huwa gabra ta' poeziji bl-isem ta' MIRAĠĠI LASALLJANI (editur Patrick Sammut, De La Salle Brothers Publications, 2009). Jigbor fih studji dwar il-Brothers Henry Grech f.s.c. u Michael Buttigieg f.s.c., poeziji ispirati mill-figura ta' San Gwann Battista De La Salle, u poeziji fi tliet ilsna (Malti, Taljan, Ingliz) mill-pinna ta' Mario Attard, Dr. Joseph Axiaq, Stephen Cachia u Patrick Sammut. Huwa mzejjen b'sett ta' disinni (flimkien mal-qoxra), xoghol tal-ghalliem u artist Hilary Spiteri.
Waqt is-serata nqraw poeziji taz-zewg Brothers kif ukoll tal-erba' poeti partecipanti minn studenti tas-Sitt Klassi. Dr. Charles Briffa ghamel diskors interessanti u dettaljat dwar din il-gabra ta' poeziji. Julian Carter ipprovda l-muzika permezz tal-pjanu.
Is-serata nghalqet b'diskors informali mill-Brother Direttur, Martin Borg f.s.c., li kien il-bniedem li ghen tassew biex progett bhal dan isir realta'. Huwa qal li huwa l-pjacir tal-Komunita' Lasalljana li tghin f'inizzjattivi bhal dawn.
Ta' min jghid li MIRAGGI LASALLJANI huwa frott hames ghalliema fl-istess Kullegg De La Salle.
Il-lejla nghalqet b'riceviment zghir gentilment offrut mill-istess Brothers.

Ritratti - Photos: (1) (2) (3) (4)

A NEW POETRY ANTHOLOGY LAUNCHED AT DE LA SALLE COLLEGE

MIRAĠĠI LASALLJANI – {ABRA TA’ POE|IJI FID-DAWL TA’ SAN {WANN BATTISTA DE LA SALLE, Patrick Sammut (editor), De La Salle Brothers Publications (2009) was launched on Friday, 3rd July 2009, at the College. The book MIRAĠĠI LASALLJANI includes two studies on two brothers, teachers and writers, Bro. Henry Grech f.s.c. and Bro. Michael Buttigieg f.s.c., poems inspired by the Founder, St. John Baptiste De La Salle, and poems (in Maltese, English and Italian) penned by four teachers-poets and part of the Lasallian Community, Mario Attard, Joseph Axiaq, Stephen Cachia and Patrick Sammut. The cover and pictures inside MIRAĠĠI LASALLJANI are the work of another teacher and artist at the College, Hilary Spiteri.

The evening was compered by Patrick Sammut and among those who present were Brothers of the Lasallian Community, teachers, students, parents and members of the Għaqda Poeti Maltin of which Bro. Michael Buttigieg was a member. During the evening short biographies of the two Brothers and participating poets were read, together with some of their poems thanks to the help of three sixth form students, Ruth Bonnici, Clara Chetcuti and Reuben Degabriele. Another ex-college student, Julian Carter, provided inspiring musical intervals on the piano.

Dr. Charles Briffa presented a detailed critique on MIRAĠĠI LASALLJANI and emphasized on the important contribution of Bro. Henry and Bro. Michael in the literary and education areas. Brother Director, Bro. Martin Borg f.s.c., remembered both Bro. Henry and Bro. Michael, talked about the contribution of the Founder in education and reminded those present the importance that the De La Salle Community has always given to publications of the kind. Bro. Martin was the person who made this project possible thanks to his encouragement and help. A free copy of MIRAĠĠI LASALLJANI was presented to all those present, and artist Hilary Spiteri, talked about his art in the publication. At the end of the evening those present were invited to a reception offered by the Lasallian Community.

KONKORS – POEŻIJI

F’għeluq il-ħamsin sena mill-ħruġ tal-ġurnal popolari ta’ kull nħar ta’ Ħadd IT-TORĊA, qegħdin jiġu mnedija żewħ Konkorsi Letterarji. Kategorija waħda hija dwar In-Novella/Essay mtella’ mill-KLABB KOTBA MALTIN u l-Kategorija l-oħra hija dwar Il-Poeżija mtella’ mill-GĦAQDA POETI MALTIN.

KONKORS Tal-Ġurnal Popolari ta' Kull Nħar ta' Ħadd IT-TORĊA

Għar-raba' sena fiż-Żejtun

Għar-raba' sena konsekuttiva l-Għ.P.M. u l-Grupp Ilħna Poeżija fi ħdan il-Kunsill Lokali, Żejtun organizzaw Lejla ta' Poeżija u Mużika nhar il-Ġimgħa, 12 ta' Ġunju 2009 fi Pjazza Gregorio Bonnici ż-Żejtun. Ippreżenta Charles Magro, Segretarju tal-Għ.P.M.

Inqraw numru ta' poeżiji bil-Malti dwar suġġetti varji filwaqt li l-kantawtur Walter Micallef kompla ta ħajja s-Serata b'kanzunetti popolari u ħelwin fl-istess ħin.

Saru żewġ diskorsi qosra; minn Joe Attard , Sindku taż-Żejtun u minn Alfred Massa, President tal-Għ.P.M.

Raymond Grech, wieħed mill-membri ħabrieka tal-Għ.P.M., kien ippreżentat b'Diploma mill-President tal-Għaqda, Alfred Massa għas-sehem tiegħu fl-Għ.P.M., bħala għarfien ta' ħidmietu b'risq il-poeżija.

Ritratti - Photos: (1) (2) (3)

The Għ.P.M. at Żejtun

For the fourth consecutive year on June 12^th, 2009, the Għ.P.M. and the Group Ilħna Poeżija of the Żejtun Local Council organised A Poetry Evening in Pjazza Gregorio Bonnici, Żejtun. Compere was Charles Magro, Segretary of the Għ.P.M.

A number of poems were read treating various sebjects while singer and composer Walter Micallef added life to the Evening with some of his popular songs.

Short messages were delivered by Joe Attard, the Żejtun Mayor and by Alfred Massa, President of the Għ.P.M. Mid-way through the Evening, Raymond Grech was awarded with a Diploma by the President of the Għ.P.M. mainly as a sign of gratitude in recognition of the services he rendered to the Maltese Poets Association, particularly its website promoting the advancement of member poets and their poetry.

Lejla Mużiko-Letterarja fil-Gżira

L-Għaqda Poeti Maltin ġiet mistiedna biex tagħti sehemha waqt l-ewwel Lejla Letterarja mtellgħa mit-taqsima kultura tal-Kunsill Lokali tal-Gżira. Dan seħħ nhar il-Ġimgħa, 22 ta’ Mejju 2009, fit-8p.m., fis-sala moderna li hemm faċċata tal-Kulleġġ ta’ Stella Maris.

Il-viċi-Sindku, Dunstan Attard, poeta hu nnifsu u responsabbli għat-taqsima kultura, fetaħ il-lejla. Hu qal li huwa fil-ħsieb tal-Kunsill li Lejliet bħal dawn jibdew jittellgħu kull xahar f’atmosfera mill-aktar informali u li matulhom kull min jiġi jkun jista’ jaqra kitbiet ta’ ġeneri u natura differenti, basta f’ħin ta’ 5 minuti.

Patrick Sammut, il-viċi-President tal-GĦ.P.M., ta tagħrif dwar l-Għaqda u ħidmietha u sostna li l-Għaqda għaddejja minn perijodu produttiv tassew permezz tal-kontribut ta’ membri dedikati u li jaħdmu id f’id biex jittellgħu Lejliet ta’ Poeżija regolarment. Semma wkoll l-importanza tas-sit elettroniku u tal-e-mail li permezz tagħhom l-Għaqda żżomm lil dawk interessati informati dwar l-attivitajiet tagħha u anki tgawdi minn kuntatti saħansitra ma’ poeti u entitajiet kulturali li jmorru lilhinn minn xtutna.

Waqt il-Lejla nqraw kemm poeżiji, kif ukoll siltiet ta’ proża, u t-temi kienu varjati: storja, twemmin, immigrazzjoni, it-Tieni Gwerra Dinjija, il-familja u Mikiel Anton Vassalli. Il-Lejla ġiet mogħtija laqta mużikali bis-saħħa tal-kitarra u vuċi ta’ Jesmond Zerafa.

Fl-aħħar, il-viċi-Sindku, wera s-sodisfazzjon tiegħu u sostna li din kienet biss żerriegħa ta’ xi ħaġa li bil-mod il-mod għandha tikber u tissaħħaħ.

Ritratti - Photos: (1) (2)

MUSICO-LITERARY EVENING AT GZIRA

The Maltese Poets Association was invited to lend its contribution during the first Literary Evening held by the cultural section of the Gżira Local Council. The said evening was held on Friday 22nd May 2009, at 8.00pm in the modern hall opposite the Stella Maris College.

The Vice Mayor, Dunstan Attard, himself a poet and responsible for the cultural section, opened the night. In his speech he said that it is the intention of the said council that such evenings be held monthly in an informal fashion, during which all those present will be able to read their works of a varied genre and different nature, each during a 5 minute allotment.

Patrick Sammut, the Vice- President of the GĦ.P.M. gave some information about the association and its work in favour of poetry and maintained that the association is currently enjoying a very productive phase through the sterling contribution of dedicated members who work hand in hand to hold such poetry evenings on a regular basis. He stated the importance of its website and its email through which the GĦ.P.M. keeps those interested, informed about its events and makes it possible for them to keep contacts with foreign cultural entities and poets.

During the evening, poems and prose extracts were read. The themes varied: history, religion, immigration, the second World War, family and Mikiel Anton Vassalli. The musical interludes were provided vocally by Jesmond Zerafa to the accompaniment of his guitar.

At the end, the vice Mayor expressed his satisfaction and said that this was just the seed for something that with time would grow and strenghten.

LEJLA POE-MUŻIKALI FL-IMTARFA

Bħala parti miċ-ċelebrazzjonijiet ta' JUM L-IMTARFA 2009, il-Kunsill Lokali Mtarfa u l-Għaqda Poeti Maltin organizzaw Lejla Poe-Mużikali fis-sala tal-iskola primarja tal-lokal nhar is-Sibt, 25 ta' April 2009. L-attendenza kienet tajba ħafna kemm min-naħa tal-membri tal-Għ.P.M. kif ukoll mir-residenti tal-post.

Inqraw numru sabiħ ta' poeżiji bil-Malti, bl-Ingliż u bit-Taljan. Kien hemm anki xi tfal li qraw il-versi tagħhom. Fil-parti mużikali ħadu sehem il-mezzo sopran Miriam Camilleri u l-Clarinet Trio.

Alfred Massa, President tal-Għaqda, fid-diskors tal-ftuħ sellem lil dawk preżenti u stqarr li hu pjaċir tal-Għ.P.M. li tieħu sehem f'attivitajiet simili għax b'hekk ikollha aktar ċans li tiltaqa' man-nies tal-post. Massa fakkar li l-għan ewlieni tal-Għaqda hu li tressaq il-poplu tal-gżejjer tagħna lejn il-poeżija. Huwa qal li l-poeżija għandha xi ħaġa għalina lkoll għalhekk stieden lil qarrejja/ semmiegħa li fil-poeżija jsibu dak li jgħodd għalihom. Importanti li kulħadd jagħżel it-tip ta' poeżiji li togħġbu. Fl-aħħar nett, il-President wera s-sodisfazzjon tiegħu li f'dik il-Lejla kienu ser jieħdu sehem anki xi tfal. Dan hu sinjal tajjeb għax jekk it-tfal jidraw jinnamraw mal-poeżija minn ċkunithom, meta jikbru hemm iċ-ċans li dawn jibqgħu jħobbu l-poeżija.

Is-Sindku tal-Imtarfa, Anton Mifsud esprima s-sodisfazzjon tiegħu kemm għall-attendenza numeruża preżenti kif ukoll għall-organizzazzjoni tal-Lejla nfisha. Waqt li rringrazzja lil kulmin ħa sehem, is-Sur Mifsud ma naqasx li jagħti rendikont ta' dak kollu li l-Kunsill tiegħu wettaq fil-lokal kemm ilu fil-poter bħala gvern lokali.

Is-Serata ntemmet bi bdil ta' mementos bejn is-Sinku u l-President tal-Għ.P.M. Ingħataw anki tifkiriet lil dawk li ħadu sehem fil-parti mużikali. Imbagħad tkanta l-Innu Malti. Wara saret bibita għal dawk preżenti.

Mexxa l-Lejla s-Segretarju tal-Għ.P.M., Charles Magro.

Ritratti - Photos: (1) (2) (3) (4) (5) (6) (7)

POE-MUSICAL EVENING AT MTARFA
As part of the MTARFA DAY 2009 celebrations, the Mtarfa local council and the Maltese Poets Association organised a Poe-Musical evening at the Primary School hall of this locality on Saturday 25th April 2009.There was a very good attendance both from the members of the said poetry society as well as from the Mtarfa residents.

A good number of poems were read in Maltese, English and Italian. There were even children who read their poems. With regards to the musical aspect mezzo soprano Miriam Camilleri and a clarinet trio provided entertainment.

Alfred Massa, the Association President, in his initial speech greeted the audience and said that it was the association's pleasure to take part in such events as in this way it will have a greater opportunity to meet the local residents. He reminded them that the association's main aim is to get poetry and the Maltese always closer to each other. He said poetry has something for us all, so he invited both readers and audience to find in poetry this something that appeals to them. Everyone can choose the type of poetry he liked best. Then he expressed his joy that even the children were participating. This was a good sign, as if they are taught to love poetry from childhood, there stands a better chance they would continue loving it as they grow.

The Mtarfa mayor, Anton Mifsud expressed his satisfaction both for the good attendance as well as for the organisation of the said event. While thanking all those who played a part in it, he gave an account of all that his council put together in the locality since they took over for the term.

The evening came to an end with the exchange of mementos by the Maltese Poets Association President and the Mayor. Mementos were also given to the mezzo soprano and the clarinet trio. The Maltese National Anthem was then sung. A reception followed the evening.

Mr. Charles Magro, the association secretary, lead the evening.

Rita Debono

Rita Debono membru tal-Għaqda Poeti Maltin fuq dan is-sit www.comoinpoesia-news-autori.com

Lejla f'Ġieħ il-Mara

Bħala parti miċ-ċelebrazzjonijiet biex jitfakkar Jum il-Mara 2009, l-Għaqda Poeti Maltin u l-Kunsill Nazzjonali tan-Nisa, nhar il-Ġimgħa 20 ta' Marzu 2009 organizzaw Lejla ta' Poeżija u Mużika fis-sala ewlenija tas-Soċjeta' ta' l-Arti, Manifattura u Kummerċ, il-Belt. Ippreżenta Charles Magro, Segretarju tal-Għ.P.M.

Inqraw għadd sabiħ ta' poeżiji b'lingwi differenti. Il-viċi President Patrick Sammut qara Kitba bl-isem Il-Mara fil-Poeżija Maltija. Saru diskorsi qosra mill-Presidenti taż-żewġ Għaqdiet. Miriam Camilleri akkompanjata fuq il-pjanu minn Joanna Galea kantat Una Donna Che prega, Don't cry for me, Argentina, Qalu li Raw u Le Vie en Rose.

Alfred Massa esprima s-sodisfazzjon tiegħu għall-interess li diversi nisa u tfajliet qegħdin juru fil-poeżija. Min-naħa l-oħra, Grace Attard, President tal-Kunsill Nazzjonali tan-Nisa faħħret l-organizzazzjoni tas-Serata u esprimiet ix-xewqa tagħha li serati simili jsiru aktar spissi għax dawn barra milli jagħtu gost jedukaw lil dak li jkun.

Fi tmiem is-Serata, il-President tal-Għ.P.M. ta sett kotba tal-Għaqda lis-Sinjura Attard biex jitpoġġew fil-librerija tal-Kunsill.

Ritratti - Photos: (1) (2) (3)

STEDINA "Jum IL-MARA"

Ciao Therese,

come va?

Ti segnalo questa mia iniziativa per celebrare la Festa della donna:

http://www.tellusfolio.it/ index.php?prec=%2Findex.php& cmd=v&id=8106#

Grazie per l'attenzione e l'eventuale divulgazione.

Tanti saluti

Paola Mara De Maestri

Premjazzjoni tal-Konkors tal-Poeżiji għat-Tfal 2008

Ir-rebbieħa

"Ibqgħu għamluh! Prosit tassew! Qegħdin tagħmlu ħafna ġid!" Dawn kienu ftit mill-kummenti tal-ġenituri wara ċ-ċerimonja tal-premjazzjoni tal-Konkors ta' Poeżiji għat-Tfal 2008 li saret nhar il-Ġimgħa, 30 ta' Jannar 2009 fis-Sala tas-Soċjeta' tal-Arti, Manifattura u Kummerċ, il-Belt. Ippreżenta ċ-ċerimonja Dr. Joseph Axiaq, Ass. Segretarju.

F'diskors qasir il-President tal-Għaqda, Alfred Massa, irringrazzja lill-ġenituri tal-istudenti kif ukoll lill-għalliema ta' dawk l-istudenti li ħadu sehem fil-konkors. Mhux importanti li l-istudenti jkunu fost ir-rebbieħa; l-aqwa li jipparteċipaw, sostna Massa. Imbagħad huwa fisser l-għan ewlieni tal-konkors u qal li l-importanti li l-Maltin u l-Għawdxin ta' għada jkunu jħobbu l-poeżija. Naturalment, jekk minn dawn l-istudenti għad ikollna minnhom numru ta' poeti tant aħjar. Fl-aħħarnett, il-President ħajjar lil dawk preżenti, studenti, ġenituri u għalliema biex minn żmien għal żmien jaghtu titwila lill-website tal-Għaqda biex isegwu l-attivitajiet li torganizza.

Il-Ġurija kienet iffurmata mis-Sinjuri Omar Seguna, Sr. Elaine Mifsud u Marienza Spiteri. Skond il-Ġurija l-livell tal-poeżiji kien tajjeb ħafna. Din id-darba l-konkors kien miftu għall-istudenti tat-tieni klassi tas-sekondarja.

Riżultat: 1 Premju: Mariana Borg (Vizzji Qerrieda), 2 Premju: Martina Busietta (I See Her Coming); 3 Premju: Antoine Attard (The Mouldy Orange); 4 Premju: Maria Magro (Għażiż Nannu); 5. Premju: Martina Borg (Is-Sajd); 6 Premju: Faye Bartolo (Prince Charming); 7 Premju: Lara Azzopardi (Il-Milied); 8 Premju: (Jessica Duncan (Me); 9 Premju: Carla Galea (Dedika lir-Refuġjati); 10 Premju: Francesca Grech (Mhux Tort Tiegħi).

Il-Konkors kien sponsorjat mid-Ditti Merlin Library ta' Blata l-Bajda u Agius & Agius tal-Ħamrun. Il-Kummissjoni kienet magħmula minn Dr. Joseph Axiaq u minn Dr. Emmanwel Attard Cassar.

Ritratti - Photos: (1) (2) (3)

VERSI:

Peress li l-ispejjeż ta' Versi żdiedu - stampar u pustaġġ - ir-rivista dan l-aħħar qiegħda taħdem bit-telf. Dan kien żvelat mit-Teżoriera fil-Laqgħa Ġenerali ta' Jannar li għadda u saret anki diskussjoni qasira dwaru minn dawk preżenti. Għalhekk, il-Kumitat iddeċieda li l-Għaqda ma tistax tibqa' tissussidja lir-rivista. Minflok l-abbonament se jkun ta' €4 fis-sena. Żieda żgħira. Il-prezz tar-rivista fl-iskejjel jibqa' l-istess. Fl-istess waqt, biex Versi ma tmutx hemm bżonn ta' aktar abbonamenti. L-Għaqda tħeġġeġ lill-membri biex jabbonaw u jsibu aktar abbonati ġodda.

Laqgħa Ġenerali 2009/2011

Nhar is-Sibt, 10 ta' Jannar 2009, membri tal-Għaqda Poeti Maltin iltaqgħu fis-Sala Ġużeppi Despott, Diviżjoni tal-Edukazzjoni, il-Furjana għal-Laqgħa Ġenerali 2009/2011. Wara l-Qari tal-Minuti u tar-Rapport Amministrattiv mis-Segretarju Charles Magro, it-Teżoriera M.D. Chircop tat lil dawk preżenti stampa ċara tal-qagħda finanzjarja preżenti tal-Għaqda. Sadattant, saret diskussjoni dwar ir-rivista Versi.

Fid-diskors tiegħu, il-President tkellem dwar is-suċċessi li kellha l-Għ.P.M. tul is-snin li ilha mwaqqfa u rringrazzja lill-Kumitati preċedenti għall-ħidmiet tagħhom. Alfred Massa ħeġġeġ lill-membri biex ikunu aktar attivi u dejjem lesti biex jilqgħu l-istediniet li l-Għaqda tagħmlilhom minn żmien għal żmien. Il-kelliem ma naqasx li jirringrazzja wkoll lil dawk il-Kunsilli Lokali, kif ukoll lil diversi Għaqdiet li wrew fiduċja tagħhom fl-Għaqda billli stednuha torganizza attivitajiet poetiċi flimkien magħhom.

Saret tislima liż-żewġ Membri Onorarji, Karmenu Ellul Galea u l-Kan. Dun Joe Mejlak li mietu matul it-tliet snin li għaddew. Wara l-membri preżenti għażlu l-Kumitat li se jmexxi l-Għaqda fis-snin 2009/2011. Dan wieħed jista' jarah f'sezzjoni oħra ta' din il-website.

Ritratti - Photos: (1) (2)

Nifirħulu u nawgurawlu:

Nifirħu lil Dr. Joseph Axiaq, membru fil-Kumitat tal-Għaqda, li nħatar rappreżentant tal-Għaqdiet tal-Malti fil-Kunsill Nazzjonali ta' l-Ilsien Malti.

NEKROLOĠIJA.

L-Għaqda Poeti Maltin waslitilha l-aħbar tal-mewt tal-Kan. Dun Joe Mejlak, kittieb ta' drammi, proża u poeżija. Il-mewt tiegħu tħabbret nhar il-Ħamis 18 ta' Diċembru 2008 u kellu 64 sena. Il-Kan. Mejlak kien Membru Onorarju tal-Għ.P.M.

l-Għaqda Poeti Maltin kien rappreżentata fil-funeral tal-Kan. Mejlak li sar l-għada (19 ta' Diċembru) mir-rappreżentant tagħha f'Għawdex, il-poeta Charles Bezzina.

LEJLA MILIED

F'sala mimlija fil-Każin tal-Banda Marija Annunzjata ta' Ħal Tarxien, l-Għaqda Poeti Maltin flimkien mas-Soċjeta' ta' l-istess Każin tellgħu Lejla Milied. Kor ta' tfal kantaw għanjiet tal-Milied, bandisti allievi fi ħdan is-Soċjeta' daqqew siltiet mużikali filwaqt li membri tal-Għaqda qraw poeżiji dwar il-Milied.

F'atmosfera ferrieħa tkellmu wkoll iż-żewġ Presidenti. Alfred Massa wera s-sodisfazzjon tiegħu li għat-tieni sena konsekuttiva l-Għ.P.M. laqgħet l-istedina li saritilha mill-Għaqda Mużikali Marija Annunzjata ta' Ħal Tarxien. Ħaġa sabiħa ħafna li din il-festa kbira tkun imfakkra b'żewġ fergħat ta' l-arti: il-mużika u l-poeżija, qal Massa. Iżda dik il-Lejla kienet ukoll kontinwazzjoni biex l-Għ.P.M. tissokta tqajjem kuxjenza favur il-poeżija bħalma qiegħda tagħmel fi bliet u fi rħula madwar Malta u Għawdex. Victor Seguna, President tas-Soċjeta' Marija Annunzjata rringrazzja lill-Għ.P.M. u qal li jħossu żgur li dawk preżenti ħarġu sodisfatti kemm bis-siliet mużikali kif ukoll bil-poeżiji li nqraw.

Ta' min jgħid li l-parti mużikali kienet f'idejn is-surmast tas-Soċjeta, Mro. Victor Vella filwaqt li Charles Magro mexxa b'mod impekkabbli s-Serata.

Fost il-poeti li qraw xogħlijiethom kien hemm Alfred Massa, Charles Magro, Rina Camilleri, Doris Chircop, Jonathan Balzan, Andrew Sciberras, Carmel Bianchi, Joe Bonnici, Miriam Camilleri, Peter u Mary Grace Caruana, Salv Sammut, Joe Vella u Carmel Curuana. Melina Cornish qrat il-Kitba tal-Prof. Dun Anton Tabone "Il-Milied ta' San Franġisk".

Ritratti - Photos: (1) (2) (3)

MALTESE POET EXCELS AT NOSSIDE INTERNATIONAL POETRY CONTEST 2008

Nosside is an international poetry competition open for all countries from all over the world. Participants send their poetry written either in one of the five main languages (Spanish, French, English, Portugese, Italian) or in their native language (or dialect), with a translation in one of these five languages.

This year Nosside hosted 40 participating countries, 29 languages in all. There was one overall winner from Italy , four other winners and then 10 special mentions. Sixth Form teacher and poet Patrick Sammut featured among these last 10, with a special mention for his poem written in Maltese, Jum ta’ Btala, and translated into English as A Day ofRest.

The prize-giving ceremony was held on Friday, 28^th November, at the Reggio Local Council. Poets from all over the world ( Italy , Brazil , Venezuela , Mexico , Colombia , China , Russia , Croatia , Congo , Malta ...) met and read out their winning poem.

Before the ceremony the group of poets, together with Prof. Pasquale Amato (the mind behind Nosside) were interviewed on Reggio TV. They also had the opportunity to visit the Archaeological Museum of the Magna Grecia in Reggio, where one can admire the world-famous Bronzi di Riace. In the evening they were treated to a superb Italian dinner in a restaurant nestled in the nearby hills. On Saturday morning a Seminar was held in Messina , where the poets discussed Cultural Differences and Poetry. Mr Sammut was given a silver plaque, together with a certificate commemorating the occasion.

Ritratti - Photos: (1) (2) (3)

L-Għ.P.M. tfakkar il-25 sena mill-mewt ta’ Erin Serracino Inglott

Nhar il-Ġimg]a, 28 ta’ Novembru, l-Għaqda Poeti Maltin organizzat Lejla ta’ Tifkira f’ġieħ Erin Serracino Inglott biex jitfakkar il-25 anniversarju tal-mewt ta’ dan il-kittieb u studjuż ta’ Lsienna. Din saret f’Bir Mula ġewwa Bormla u kienet preseduta mill-E.T. Dr Ugo Mifsud Bonnici, President Emeritus.

Dr Mifsud Bonnici tkellem fit-tul dwar Erin peress li kien jafu sewwa. Huwa ġedded it-tifkiriet li għad għandu tiegħu, filwaqt li ma naqasx li jsemmi u jikkummenta dwar ix-xogħlijiet li ħallielna; fosthom il-Miklem Malti u t-traduzzjoni tad-Divina Commedia.

Inqrat bijografija dettaljata ta’ Serracino Inglott minn Therese Pace, inqraw erba’ poeżiji u siliet minn proża. Saret drammatizzazzjoni ta’ parti mid-dramm Il-Kerjoti minn John Mallia u Ninu Borg. Alfred Palma qara silta mit-traduzzjoni ta’ La Divina Commedia; l-ewwel fl-original, imbagħad kif ittraduċiha Erin, u fl-aħħrnett qara l-verżjoni tiegħu. Palma rrefera wkoll għall-mawra tiegħu f’Ravenna u qal li hemm ta ġieħ anki lil Erin għat-traduzzjoni li wettaq ta’ l-istess kapulavur letterarju.

Alfred Massa, President tal-Għ.P.M. li qal li l-Għaqda tħossha fid-dmir li tfakkar nies kbar bħal Erin Serracino Inglott li b’xogħlijiethom issuktaw jistagħnu ’l-Ilsien u ’l-Letteratura tagħna. Massa stqarr li ħassu xxurtjat li għamel xi żmien qrib ħafna ta’ Erin Serracino Inglott għax barra milli apprezza l-għerf tiegħu tgħallem ħafna minnu.

Ippreżenta l-Lejla s-Segretarju tal-Għ.P.M., Charles Magro.

Ritratti - Photos: (1) (2) (3) (4) (5) (6) (7)

Erin Serracino-Inglott remebered

The Għaqda Poeti Maltin organised a special literary evening on Friday 28 November 2008, to commemorate Erin Serracino-Inglott (1904-1983), poet, playwright, prose writer and lexographer who passed away 25 years ago. The venue was at Bir Mula in Cospicua. His Excellency Dr Ugo Mifsud Bonnici, President Emeritus, presided the evening.

In a detailed but interesting speech Dr Mifsud Bonnici paid tribute to Erin Serracino-Inglott stressing that he had contributed a lot to his country as a writer and lexographer. Surely, he will be remembered for many and many years for his Il-Miklem Malti.

Alfred Massa, the Għaqda President, stated that with Erin's demise he had lost a friend and a great master from whom he had learnt a lot.

A biography of Erin Serracino-Inglott written by Dr R. Fsadni was read by Therese Pace while Alfred Palma praised Erin's translation of Dante's Divina Commedia reading a short part in its original together with Serracino-Inglott's and his Maltese translation. Poems, prose and drama from E.S.I.'s works were also read and dramatised.

Charles Magro, the Għaqda's Segretary, compered the evening.

STQARRIJA

B’din l-istqarrija l-Għaqda Poeti Maltin turi n-nuqqas ta’ qbil tagħha ma’ uħud mid-deċiżjonijiet dwar il-varjanti ortografiċi, meħuda mill-Kunsill Nazzjonali ta’ l-ilsien Malti.

L-oġġezzjonijiet tal-Għaqda Poeti Maltin huma bbażati fuq il-fatt li dawn id-deċiżjonijiet għamlu ħerba sħiħa minn regoli xjentifikament stabbiliti li jagħtu karatteristiċi lill-ilsien Malti li jagħmluh distint minn kull ilsien ieħor.

B’dawn id-deċiżjonijiet il-Kunsill Nazzjonali ta’ l-ilsien Malti qisu għażel it-triq il-ħafifa u ssanzjona żbalji ortografiċi li jkissru l-għajn ta’ min ikollu l-isfortuna li jarahom miktubin, minflok ma għamel ħiltu biex jgħallem lil min jagħmel dawn l-iżbalji ortografiċi biex, forsi fl-aħħar, ma jidhrux iktar. Din hi biċċa xogħol ferm aktar diffiċli.

L-Għaqda Poeti Maltin ma taqbilx mal-prinċipju li “il-poplu jagħmel l-ilsien”. Fil-kuntest Malti żgur li l-poplu jkisser l-ilsien, u ftit baqgħalna biex neqirduħ għal kollox. Għal min irid juża l-ilsien sewwa jeħtieġlu jkun iggwidat mill-istrutturi, u dawn żgur li ma jagħmilhomx il-poplu. Jagħmilhom l-istudjuż, wara analiżi bir-reqqa storika, xjentifika, etimoloġika, eċċ.

X’aħna nippruvaw nagħmlu? L-Għaqda Poeti Malitn tqis dawn id-deċiżjonijiet bħala tentattiv biex inwarrbu għal kollox il-patrimonju għani li ħallewlna missirijietna l-istudjużi tal-Malti, biex inħallu lil kulħadd jikteb li jrid u jitkellem kif irid. L-ilsien tagħna m’huwiex fonetiku, u m’hawn ebda Lsien ieħor li hu għal kollox fonetiku. Jekk kulħadd jikteb kif iħoss (kif qegħdin jitgħallmu jagħmlu t-tfal tagħna fl-iskejjel) ikollna żgur diżastru. Biżżejjed nikkunsidraw il-ħafna djaletti li għandna f’din id-daqsxejn ta’ Art ħelwa li ngħixu fiha.

Fl-aħħarnett infakkru li qatt ma tista’ tkun eliminata għal kollox id-distinzjoni bejn l-ilsien mitkellem u l-ilsien miktub; u d-distinzjoni hi ta’ ċerta konsistenza. Jekk se nibdew niktbu kif nitkellmu lil-letteratura tagħna m’aħniex se nħallulha wisq nifs biex tkun tista’ tixxabbat mal-ġnub tal-għolja tas-suċċess.

It-tama tal-Għaqda Poeti Maltin hi li, b’sens għaref ta’ umiltà, uħud mid-deċiżjonijiet meħuda jkunu rriveduti (dan sar ukoll fl-imgħoddi), qabel ma jagħmlu ħsara indelibbli lill-ġenerazzjonijiet ta’ Maltin tal-ġejjieni u lill-ilsien Malti.

RIŻULTAT KONKORS NAZZJONALI TAL-POEŻIJA 2008

Tħabbar ir-riżultat tal-Konkors Nazzjonali tal-Poeżija 2008 organizzat mill-Għaqda Poeti Maltin. Dan sar waqt Serata li saret f'sala Fil-bini tas-Soċjeta' ta' l-Arti, Manifattura u Kummerċ, il-Belt nhar il-Ġimgħa 17 ta' Ottubru 2008. Il-Ġurija kienet magħmula mis-Sinjuri Charles Casha, Mario Vella u John Mallia. Ir-riżultat kien dan.

Ir-riżultat

THE NATIONAL POETRY COMPETITION 2008 RESULTS

The results of the National Poetry Competition 2008 organised by the Għaqda Poeti Maltin, has been announced during an evening purposely held at the Malta Society of Arts, Manufacture and Commerce building in Valletta. It was held on Friday 17th October 2008. The members of the jury were Mr Charles Casha, Mr Mario Vella and Mr John Mallia.

The results

SERATA F'ĠIEĦ POETA INGLIŻ

Fuq ix-xewqa tal-poeta u artist Ingliż, Stephen Morris, l-Għaqda Poeti Maltin tellgħet Lejla ta' Poeżija fir-Razzett tal-Markiz Tabone, il-Mosta, nhar il-Ħamis 2 ta' Ottubru 2008 u li għaliha attendiet udjenza numeruża.

Inqraw poeżiji bil-Malti u bl-Ingliż dwar temi differenti. Stephen Morris qara numru ta' poeżiji miktubin minnu. Huwa kien intervistat minn Patrick Sammut dwar xogħlijietu u mitlub jagħti l-opinjoni tiegħu dwar il-poeżija kontemporanja.

Alfred Massa, President tal-Għaqda, f'diskors qasir qal li din kienet it-tieni darba li l-Għ.P.M. qiegħda tilqa' lil dan il-poeta bravu. Massa stieden lil dawk preżenti biex jitgħallmu mill-poeżiji li jisimgħu, bħalma hu forsi qed jitgħallem mill-poeżiji li qiegħed jisma'. Importanti għalina li ninnutaw l-istili u t-temi li jiktbu dwarhom poeti barranin. Fl-aħħarnett il-President ħajjar lil dawk interessati biex isegwu l-website tal-Għaqda ħalli jżommu ruħhom aġġornati dwar l-attivitajiet tagħha.

Mexxa s-serata, Charles Magro, Segretarju.

Ritratti - Photos (1) (2) (3) (4) (5)

A Literary Evening in Honour of a British Poet

On Thursday, 2nd October, the Maltese Poets Association held a very well attended literary evening at the Razzett Markiz Mallia Tabone, where the special guest was poet and artist Stephen Morris, a British national currently living in the south of France.

Under the stars, and amid the tranquil setting of the place, (at the time also co hosting an art exhibition), poems in Maltese and English varied in their themes, were read and appreciated. Mr Morris himself read a number of his own poems. Then he was interviewed by Patrick Sammut, during which he gave his views on contemporary poetry and on the lasting impressions his travels have had on him and his art.

In a short address, Alfred Massa the GĦ.P.M.President, said this was the second time the association was welcoming this prolific poet. He stated that in an environment one could learn from the other. It was of utmost importance that one notes the styles in which poetry is being written in other countries so as not to be isolated but remain part of the worldly nucleus. He ended by encouraging the people present to visit the association's well maintained poetry website to be informed of its activities.

Charles Magro, the association secretary, led the evening as usual.

Lejla Kilin 25 ta' Settembru 2008 - Rabat

Il-Kunvent tad-Dumnikani fir-Rabat Malta kien il-lok magħżul biex fih tittellgħa lejla f'ġieħ Kilin, lejla mtellgħa mill-Għaqda Poeti Maltin fuq stedina tal-Kunsill Lokali tar-Rabat.

L-attendenza kienet numeruża għall-aħħar. Fosthom kien hemm preżenti ulied Kilin u familjari oħra tiegħu, Kunsillieri u s-Sindku, is-Sur Alexander Kraus.

Mexxa l-lejla s-Sur Charles Magro li fl-introduzzjoni tiegħu esprima l-pjaċir tal-Għaqda li ġiet fdata bl-organizzazzjoni ta' dil-lejla, kemm għax dan ifisser l-istima li tgawdi l-għaqda kif ukoll għax kien ħabib personali ta' Kilin, li dejjem ta' d-daqqa t'id tiegħu meta kien mitlub biex jgħin lill-istess għaqda.

Fl-assenza tal-President, is-Sur Alfred Massa, d-diskors tal-ftuħ sar minn Patrick Sammut, li tkellem ukoll dwar il-mixja kontinwa tal-Għaqda 'l quddiem, u dwar id-diversi lejliet li din tħejji minn żmien għal żmien, kif ukoll dwar il-Konkorsi ta' Poeżija prinċipali li, ta' kull sena, l-Għaqda torganizza għall-kbar u għat-tfal, ħidma ma taqta' xejn li qegħda bla dubju tħalli ħafna frott.

Dr. Joseph Axiaq, il-vici-Segretarju tal-Ghaqda Poeti Maltin, qara studju kritiku dwar ix-xoghlijiet ta' Kilin, studju miktub mill-President, Alfred Massa. Therese Pace imbagħad qrat profil dwar Kilin. Il-membri tal-Għaqda, Jane Micallef, Rita Debono, Salv Sammut, Lino Grech, Kav. Carmel Bianchi, Therese Vella, Emmanuel Attard Cassar, Mary Doris Chircop, John Mallia, Godwin Cini, Alfred Calleja u Charles Magro qraw poeżiji ta' Kilin kif ukoll siltiet ta' proża mill-kotba tiegħu.

Membri tal-familja ta' Kilin imbagħad huma wkoll qraw il-poeżiji tagħhom iddedikati lil Kilin, kif għamlet ukoll Therese Pace. Membru ieħor tal-familja ta' Kilin kantat poeżija tiegħu stess.

Din il-lejla żżewqet kif isir dejjem bil-mużika li kienet ipprovduta minn Walter Micallef fuq il-kitarra, li esegwixxa 3 numri folk, u minn membru tal-Għaqda, Miriam Camilleri, li kantat 3 kanzunetti, akkumpanjata fuq is-synthesizer minn Joanna Galea.

Preżenti għal din il-lejla letterarja kien hemm ukoll is-Soprano Marie Therese Vassallo li, spontanjament, kantat poeżija tagħha stess ‘O Madonna Marija’, waqt li akkumpanjat lilha stess fuq il-kitarra.

Is-Sindku tal-lokal, Is-Sur Alexander Kraus, għamel id-diskors tal-għeluq.

Din il-lejla kommemorattiva hekk sabiħa ntemmet b'riċeviment sabiħ tal-okkażjoni.

Ritratti - Photos (1) (2) (3) (4) (5)

An Evening Dedicated to Kilin 25th September 2008

This evening was at the Dominican Order's convent in Rabat, in collaboration with the Rabat Local Council and Michael Spiteri's or as he was better known Kilin's children. The evening was very well attended which shows the high esteem which both the GĦ.P.M. and Kilin enjoyed.

In the absence of Alfred Massa the association's President, Patrick Sammut made a short introductory speech where he spoke of the association's many activities. Then followed Kilin's profile. Dr. Joseph Axiaq, the vice secretary of the association read a critical study of Kilin's works which was written by Alfred Massa. Members of the GĦ.P.M. then read some of his poems and exerpts from his works of prose. Some members of his family also read poems dedicated to him or sang to his lyrics.

The musical interludes were executed by Walter Micallef, Miriam Camilleri accompanied by Joanna Galea on the synthesizer and Soprano Marie Therese Vassallo.

The Rabat Mayor Mr Alexander Kraus delivered the closing speech after which a reception was held.

Bottega letteraria 19 Settembre 2008

http://www.tellusfolio.it/index.php?prec=%2Findex.php%3Flev%3D132&cmd=v&id=6684#

Segnalazioni/ Presentato a Malta “I silenzi della montagna e le voci del mare”

La presentazione del libro I Silenzi della Montagna e le Voci del Mare è stata fatta l'11 Luglio alla Valletta (Malta). Alla Cerimonia erano presenti i componenti del comitato dell'Associazione e i poeti che hanno partecipato all'iniziativa. La serata è stata un successo.

Riportiamo di seguito la traduzione, inviataci da Emmanuel Attard Cassar, di un articolo comparso in maltese sul giornale Torca domenica 27 luglio 2008:

Venerdì, 11 luglio, l’Associazione dei Poeti Maltesi ha presentato l’Antologia “I SILENZI DELLA MONTAGNA E LE VOCI DEL MARE”. Nell’opera sono stati pubblicati 30 autori maltesi, con 90 altri italiani. La cerimonia era presentata dal Sig. Charles Magro, Segretario dell’Associazione maltese, che subito ha annunciato che l’Antologia ha avuto molta critica positiva, da quanto si può dedurre da molti siti elettronici e bloggs. Il primo intervento l’ha fatto il Sig. Emmanuel Attard Cassar, Segretario Internazionale dell’Associazione dei Poeti Maltesi, il quale ha fatto un resoconto completo dell’iniziativa. L’Associazione dei Poeti Maltesi ha collaborato con il Circolo Culturale Filatelico Numismatico di Morbegno, nell’Italia del nord, e l’Antologia è stata stampata in Italia. Il nesso principale tra le due Associazioni era la poetessa italiana, la Sig.ra Paola Mara de Maestri.

Poi è arrivato il turno del Sig. Mario Vella, un professore d’Italiano presso le Scuole Secondarie Superiori, che ha letto uno studio un po’ approfondito sull’opera, con particolare accento alle poesie in inglese dei poeti maltesi. Il Sig. Vella ha applaudito l’iniziativa perché con essa si può oltrepassare i nostri confini balneari e portare la nostra letteratura al continente europeo. Così facendo, noi seguiamo le orme dei nostri più illustri letterati antenati; perché così hanno fatto Dun Karm, Anastasju Cuschieri, Vincenzo Maria Pellegrini, ed altri.

Queste idee hanno avuto eco nel discorso del Presidente dell’Associazione dei Poeti Maltesi, il Sig. Alfred Massa, che ha detto che questa iniziativa aiuta i soci dell’Associazione maltese a pubblicare il loro lavoro, ed a mandarlo pure all’estero. Il Sig. Massa ha lanciato un appello perché i soci siano più attivi e seguano attentamente le informazioni che vengono aggiornate regolarmente sulla website dell’Associazione. Alla fine ha ringraziato tutti quelli che hanno contribuito al successo di questo progetto.

In chiusura della Cerimonia sono state distribuite le copie dell’Antologia. (traduzione dal maltese a cura di Charles Magro)

Altre notizie relative all’evento e all’opera potete trovarle sul sito www.ghpm.netfirms.com/BloggBlog.htm.

Ricordiamo a chi fosse interessato all’acquisto dell’opera che l’antologia è disponibile anche presso la sede del Gazetin (apertura ore 16-19).

(dalla “Bottega letteraria” n. 37 – 'l Gazetin, settembre 2008 abbonamento cumulativo 'l Gazetin+TELLUS

€19,50 > labos@retesi.it)

TNEDIJA TA' KOTBA ĠODDA

Wieħed mill-għanijiet ta' l-Għaqda Poeti Maltin huwa li tgħin lill-membri li jixtiequ jippubblikaw xogħlijiethom. Din kienet it-tielet darba li qiegħda torganizza attivita' simili.' Dan qalu Alfred Massa, President tal-Għ.P.M. waqt it-tnedija ta' tliet kotba ġodda (poeżija, novelli u rumanz) tal-membru Lino Grech, li saret fis-sala Don Bosco fil-kumpless tas-Salesjani ġewwa Tas-Sliema, nhar il-Ġimgħa 12 ta' Settembru 2008.

Barra qari ta' poeżiji u siltiet mill-kotba ta' Grech minn membri tal-Għaqda tkellem l-awtur innifsu, li wara li rringrazzja lill-Għ.P.M. għall-għajnuna tagħha, ilmenta minn nuqqas ta' kooperazzjoni li teżisti f'Malta biex tgħin lill-awturi li jkunu jridu jippubblikaw xogħlijiethom. Patrick Sammut qara Studju qasir dwar il-Kitba poetika u prożajka ta' Lino Grech.

Ħa sehem ukoll il-kantawtur regolari tal-Għ.P.M., Walter Micallef. Ippreżenta s-Serata Charles Magro, Segretarju tal-Għaqda.

Wara sar riċeviment għal dawk preżenti.

Ritratti - Photos (1) (2) (3) (4)

LAUNCHING OF NEW BOOKS

One of the many aims of the Maltese Poets Association is to help and support its members who would like to publish their work. This is the third time it is organising an activity of the sort. This is what Alfred Massa, President of the said association said yesterday in his address at the launching of three new books (poetry, short stories and a novel) by one of its members Lino Grech. The activity was held at the Don Bosco hall of the Salesian complex in Sliema on Friday the 12th of September 2008.

The event was compered by Charles Magro, association secretary while lyric writer and singer Walter Micallef, by now synonymous with the association, provided the musical intervals.

Besides readings by various fellow poets of excerpts from the prose books and some of the poems from the collection, the author himself, Lino Grech spoke to the numerous members of the audience present. In his brief address he thanked the Maltese Poets Association for its help while at the same time expressed his regret at the lack of appreciation and cooperation that exists in Malta where these things are concerned. He pointed out that authors find scant support and help when they come to publish their work. He also stated that reading what others had to say about him and his works made him see himself in a new perspective.

Then Patrick Sammut read a short study about the poetic and prosaic work of Lino Grech.

At the end of the evening those present were treated to a reception.

From: ventifebbraio@iol.it
   To: ghaqdapoetimaltin@hotmail.com
   Subject: COMO (Italy) - Lake LARIO and Potery -
   Date: Wed, 3 Sep 2008 15:06:59 +0200

Gentili Amici Poeti Maltesi,

ho avuto modo di leggere qualche tempo fa alcune delle vostre poesie, sull'Antologia 'I silenzi della momntagna e le voci del mare' - Antologija Poetika Malta-Italia (a cui anch'io ho partecipato, con la mia poesia "A nuova vita" - pag 17)

Conoscendo il vostro amore per la poesia e per la mia terra,

vorrei invitarvi a visitare la mia città (COMO) ed il suo lago (LARIO) in immagini e poesie:

www.comoinpoesia.com

www.larioinpoesia.blogspot.com

Se qualcuno di voi amici poeti ama il lago e vuole dedicare al Lario i suoi versi (anche scritti in lingua inglese), me li può inviare:

saranno subito, e con molto piacere, pubblicati in web.

Un cordiale saluto.

Luciana Bianchi Cavalleri

redazione ww.comoinpoesia.com

Lejla Marjana f'Ħal Għaxaq

Poetry at the arts festival