Id-Dagħwa ta’ Chambray

Darba kont waħdek prinċep fuq il-għolja,

tisseqqer kollok setgħa f’sebħ bla qjies;

illum ħafnek f’idejħ min siker fl-għana,

min xejn ma jimpurtaħ li kont għassies.

Nixtieq li kieku nista’ mmur fl-imgħoddi

biex nilmaħ ġmielek safi mill-indħil;

biex nimraħ ġo ħitanek kollhom qawwa,

li xehdu min jaf kemm għal ġlied qalil.

‘Mma llum ilbitt u dħalt ġewwa qoxortok,

għax wensek tak f’idejn ulied l-għarib;

mank sura ma ħallielek sabiex tgħanni

il-għanja li għannejt qalb tant tiġrib.

Kull darba li niġġerra fl-idwar tiegħek

nismagħha ħierġa d-dagħwa; il-qalb tibbies

nixxennaq li xi darba nerġa’ nilmħek

kif dari kont, sultan sabiħ w għassies.