Taħt l-Oċean

Ħarist fil-bogħod,

Rajt passaġġ twil,

F’salib it-toroq ħsibtni ntlift.

Imxejt max-xatt ta’ l-ilma ġiri

U sibt kaskata ta’ ilma nieżel

            b’saħħa feroċi.

Għeriqt

Ħsibtni mitt!

Bla nifs taħt l-ilma.

            Taħt l-ilma.

L-ilwien ta’ qiegħ l-oċean

Hemm il-ħut jitħaxken miegħi.

Rajt il-bżieżaq ta’ l-arja

            Ħierġin <?xml:namespace prefix = st1 ns = "urn:schemas-microsoft-com:office:smarttags" /> minn ħalqi

            Tielgħin ‘l fuq.

                        ‘l fuq.

Imtlejt bl-arja,

Imtlejt b’ħajja l-ġid,

Imtlejt bil-fantasija…..

Ispirazzjoni……..Dawl ġdid.

29 ta’ Marzu 2006

Il-Milja

Ġrejt u tirt mar-riħ;

ippruvajt nħares ‘l quddiem

u naqbad s-sħab

naqbad ir-riħ

sakemm insib it-tmiem.

Waqaft u ttawalt madwari;

ippruvajt nixrob l-arja

u nimtela b’ossiġnu fejdan

nsawwar il-ħajja

għal bniedem beżgħan.

Ħarist u skantajt;

t’Alla tiegħi

ippruvajt nifhem

il-kliem imtappan

bl-għanqbut tal-ħajja l-hemm

Hemm waqqaft;

tilgħeġ u tishar

il-qalb imdemmija

tal-ħajja

t-telgħa waqafija