 |
Web Hosting by Netfirms | Free Domain Names by Netfirms |
|
|
|
|
Carmel G Cauchi |
|
|
|
|
|
Dwar l-awtur Twieled Birkirkara fl-1944. Ħa l-edukazzjoni tiegħu fl-Iskola Primarja ta' Birkirkara, fil-Liceo u wara fil-Kulleġġ ta' l-Edukazzjoni San Mikiel, Ta' Giorni, fejn daħal fl-1962. Għallem fl-iskejjel primarji tal-Gżira, il-Birgu, Birkirkara u Santa Venera. Ħadem bħala Assistent Kap fl-Iskola Primarja ta' San Ġwann. Irtira fl-2005. Huwa membru attiv fl-Eżekuttiv Ġenerali tas-Soċjetà tad-Duttrina Nisranija (M.U.S.E.U.M.), u msieħeb fl-Għaqda Poeti Maltin, fl-Għaqda Letterarja Maltija u fl-Akkademja tal-Malti. Cauchi huwa kittieb ta' proża, poeżija u drammi, u jikteb għat-tfal u għall-kbar. Xogħlijiet tiegħu xxandru fuq il-mezzi tax-xandir, u dehru fil-ġurnali, f'rivisti letterarji u f'antoloġiji lokali u barranin. Fil-qasam tal-poeżija ppubblika Passi fuq ir-Ramel (1983), Fewġiet u Buffuri (1994) u Lellux fil-Mogħdija (1999). Ġie ppremjat bosta drabi f'konkorsi letterarji u fl-1986 ingħata l-premju "Città di Valletta".
About
the author. |
MAL-LEĦĦA TAL-BERAQ
Mal-leħħa tal-beraq niddendel u nitla' nixxabbat sa ħdejk, niġġerra fil-beraħ tas-sema ferħan taħt il-ħarsa t'għajnejk. Ma' l-anġli fis-sħab nilgħab noli, il-kwiekeb flok boċċi nużaw, il-qamar nagħmluh minflok dgħajsa u għal wara l-qawsalla nsalpaw. Dan ħolm u stħajjil, fantasija, din xewqa, din karba tar-ruħ, din bikja ta' iben imxennaq, din xenqa ta' spirtu muġugħ. 'Mma nemmen li ż-żmien għad jeħodni f'mument li mis-sema jinsteraq fejn ħolm u xewqat, fantasija jitwaħħdu mal-leħħa tal-beraq. 16.03.06 RAJT IS-SIĠRARajt is-siġra tifrex dlielha biex kenn tagħti lill-għasfur... Rajt il-fjura tbexxaq fommha lill-farfett li lilha jżur... U kemm xtaqt li nerġa' lura għal met'inti kont is-siġra, għal met'inti kont il-fjura! U kemm xtaqt li nerġa' ndur għaż-żmien ħelu meta jiena kont farfett u kont għasfur! 22.05.06 |
Għaqda Poeti Maltin – Maltese Poets Association
Merhba-Welcome Storja/History Poeti-Poeziji Konkorsi-Competitions Arkivju-Archive Kuntatt-Contact
Copyright © 2005
GHPM. All rights reserved.