Premjazzjoni - Awards 2005

Web Hosting by Netfirms | Free Domain Names by Netfirms

Għaqda Poeti Maltin – Maltese Poets Association

In-Nazzjon, Il-Ħamis 20 ta' Ottubru 2005 Riżultat ta' Konkors Letterarju

Il-Mument Il-Ħadd 23 ta' Ottubru 2005 Konkors Nazzjonali tal-Poeżija 2005

The Sunday Times, October 23, 2005 National Poetry Contest Winners

TMI, Gallarija, October 23, 2005 Winner of National Poetry Contest for second year running

L-Orizzont 26 ta' Ottubru 2005 Ir-Rebbieħa

Lejla ta’ Premjazzjoni

tal-Konkors Nazzjonali tal-Poeżija 2005

Nhar il-ġimgħa, 30 ta’ Settembru 2005 l-Għaqda Poeti Maltin għamlet iċ-ċerimonja tal-Premjazzjoni tal-Konkors Nazzjonali tal-Poeżija 2005. Din saret fis-sala “Ġużeppi Despott, Diviżjoni ta’ l-Edukazzjoni, il-Furjana.

F’diskors li għamel għall-okkażjoni, Alfred Massa, President tal-Għaqda wera s-sodisfazzjon tiegħu għall-fatt li dan il-Konkors dejjem qed jiġbed lejħ għadd sabiħ ta’ poeti; uħud minnhom uċuħ ġodda f’dan il-qasam. Dan hu ta’ sodisfazzjon kbir g]all-Għ.P.M., fisser Massa għax wie]ed mill-għanijiet tagħha hu li tgħin lill-poeti tagħna joħorġu mill-kxaxen tagħhom ix-xogħlijiet li jkunu nisġu matul is-sena.

Issa, li l-Għaqda għandha l-website tagħha, dawk interessati jistgħu jsegwu l-attivitajiet li torganizza minn żmien għal zmien. Il-President temm id-diskors tiegħu billi stieden li dawk li għandhom ma sseħbux fl-Għ.P.M. biex l-ewwel jaraw xi tkun din l-Għaqda u wara jiddeċiedu. Li hu żgur hu, li l-Għaqda tixtieq li kull poeta jissieħeb fiha.

Il-ġurija għal dan il-konkors kienet magħmula mis-Sinjura Lina Brockdorff, Mark Debono u Joseph P.Borg. Fir-Rapport tagħha il-ġurija rreferiet għall-145 poeżija li ħadu sehem bħala numru tassew inkoraġġanti. Semmiet xi għeltijiet li ltaqgħet magħhom u għamlet xi suġġerimenti.

Wara, inqraw il-poeżiji rebbieħa f’kull taqsima u tħabbar ir-rizultat li kien dan li ġej:

Malti: 1. Nostalġija (Raymond Grech);

2. Karikatura (Louis Briffa);

3. Lill-Għasfur tal-Bejt (Frank Mercieca).

Ingliż: 1. Ocean Rodeo (Marilyn Hodgson);

2. Steel (Christopher E. Ripard)

Taljan: 1. Sotto il Legno della Croce (Mario Attard);

2. Fuori (Rebecca Grima).

Issemmew b’ġieħ: Rovina (Martin Farrell); No Masquerade (Doreen Scerri); Ħajku 2 (Maurice Mifsud Bonnici); Ave Maria (Jane Micallef); Phantom (Therese Pace); Ras ir-Randan (Therese Pace); Sedqa (Joseph M. Galea); Autunno (Mario Attard); Shoah! Shoah! (Mary Grace Caruana) u Sober Inebriation (Miriam Calleja).

Ir-rebbieħa ngħataw tazzi u diplomi. Dawk li ssemmew b’ġieħ ingħataw sett kotba.

Ippreżenta is-serata Charles Magro, Segretarju ta’ l-Għaqda.

Għaqda Poeti Maltin – Maltese Poets Association

HOME HISTORY COMMITTEE POETS WHAT'S NEW MEMBERSHIP ACTIVITIES PUBLICATIONS MEDIA COMPETITIONS CONCORSO ARCHIVE CONTACT

Fuq - Top