(lil Mons . Prof. Amante Buontempo J.U.D. fundatur ta’ l-Għaqda Poeti Maltin

f’għeluq it-tletin sena mit-twaqqif tagħha)

Inxteħtet iż-żerriegħa m’nn id l-imgħallem

fit-tira tal-ħammiela

maż-żifef xettiċiżmi jżegilgu r-rimja għammiela

issus għal eżistenza

mar-reżħa t-truf ixxawwat tal-weraq ippizzjati

kif jaqbdu jieħdu r-ruħ

max-xemx il-friegħi tiżbogħ bi lwien u sfumaturi

qawsalel ta’ kuluri

bi rwiefen ballabrotti jobormu n-nwar ifuħ.

U kibru s-siġar, sbieħ, li twieldu dgħajfa

u ssaħħu billi qagħdu għat-tisqija

mogħtija b’rettitudni mistħoqqa lill-ulied.

Intemgħu s-sustanza bla xeħħa u distinzjoni

bl-ossiġnu jimla l-vini taċ-ċelel ħollimija

fergħat miz-zokk mibnija fis-sengħa ta’ l-għanjiet.

U tqalet il-bixkilla tqandel fejda

bil-frott sabiħ u bnin li għaxxaq mejda.

Illum, l-imgħallem-saċerdot wettieq il-ħolma

ferħan iċekċek l-għoqda ta’ ħasdietu,

frott l-għaraq tat-tħabrik, il-ħaraġ għal ċaħdietu

minkejja xkiel il-kalzri, il-weġgħa u t-tingiża,

fuqân għal darba mqar, fuq dinja li barrietu.

2.09.2005